अबको मुख्य ध्यान रोजगारी वृद्धि र उद्यमशीलता विकास: पूर्व प्रम माधव कुमार नेपाल

आर्थिक समाचार

पूर्व प्रधानमन्त्री तथा नेकपा एमालेका बरिष्ठ नेता माधव कुमार नेपालले अव मुलुकको मुख्य ध्यान रोजगारी वृद्धि गर्नमा र उद्यमशीलता विकास गर्न हुनुपर्ने वताएका छन ।

अर्थ र व्यापार साप्ताहिकको छैठौं वार्षिकोत्सव कार्यक्रममा बोल्दै नेपालले अव राजनितिक संरचनाहरु निर्माण भएको, संविधान निर्माण,निर्वाचन जस्ता सवै एजेण्डाहरु पुरा भएको वताउँदै अवको मुलुकको ध्यान पूर्वाधारको निर्माणमा हुनुपर्ने वताए ।
“यो मुलुकमा राजनीतिक नेताहरु भ्रष्टाचार वाट जोगिन जरुरी छ,कर्मचारीतन्त्रमा रहेको सेटिङमा गरिने भ्रष्टाचार अन्त्य हुनैपर्छ”–नेपालले भने । विकासका लागी ईमान्दारिता,कानुनको पालना,उचित अनुगमन प्रणाली र राम्रोलाई पुरस्कृत र नराम्रोलाई दण्ड दिने व्यवस्था आवश्यक रहेको उनको भनाई थियो ।
कार्यक्रममा बोल्दै पूर्व परारष्ट्रमन्त्री तथा नेपाली कांग्रेसका केन्द्रिय सदस्य प्रकाशशरण महतले कुनै पनि पार्टिले राज्य र पार्टी दुवै एकै किसिमले चलाउन नहुने वताए । निजि क्षेत्रले लगानी गरिसकेपछि प्रतिफलको लागी लामो समय कुर्न नसक्ने वताउँदै उनले आर्थिक विकासका लागी बाह्य र आन्तरिक लगानीको परिचालन गर्नुपर्ने वताए ।
अर्थ र व्यापार साप्ताहिकका प्रबन्ध निर्देशक तथा सम्पादक नविन काफ्लेले संविधान निर्माण पश्चात सम्पन्न सवै तहका निर्वाचनहरु पछि अव सिंगो देशको ध्यान आर्थिक विकासमा हुनुपर्ने वताए । काफ्लले त्यसका लागी नेपालको आर्थिक सम्बृद्धीको सम्भावना बोकेका क्षेत्रहरु जलविधुत,कृषि पर्यटन लाई विशेष जोड दिनु आवश्यक रहेको वताए । युवा उद्यमी राजन सिंखडाले नेपालको आर्थिक विकासको पूर्वसर्त नै पूर्वाधार निर्माण भएको वताए । त्यसपश्चात निति निर्माण तहमा व्यापक सुधार गरे मात्र नेपालको पर्यटन क्षेत्रले गति लिन सक्ने वताए ।
कार्यक्रमा नेपाल पर्यटन वोर्डका सञ्चालक दीपक महत, नेपाल उद्योग वाणिज्य महासंघका केन्द्रिय सदस्य रामशरण थपलिया लगायतका राज्यले पर्यटन क्षेत्रलाई प्राथमिकता दिएको भन्ने गरे पनि व्यवहारमा त्यस्तो नदेखिएको वताए ।
कार्यक्रममा मेगा बैंक नेपाल लिमिटेड कि नायव प्रमुख कार्यकारी अधिकृत डा.रविना देशराज श्रेष्ठ लाई अर्थ र व्यापार बैंकिङ अवार्ड, अर्थबाउण्ड एक्सपीडसन प्रा.लि का प्रबन्ध निर्देशक राजन सिंखडा लाई अर्थ र व्यापार बिजनेश ईन्नोभेसन अवार्ड, ईन्काउण्टर्स नेपाल डट कम प्रा.लि का प्रबन्ध निर्देशक ऋषि प्रसाद नेपाल लाई अर्थ र व्यापार पर्यटन अवार्ड, लाईफ हिमालय ट्रेकिङ प्रा.लि का प्रबन्ध निर्देशक शिवहरि रिजाल लाई अर्थ र व्यापार अवार्ड, नेपाल विग माउण्टेन ट्राभल कम्पनी प्रा.लि.का प्रबन्ध निर्देशक सुदर्शन नेपाल लाई अर्थ र व्यापार युवा उद्यमी अवार्ड र अर्थ र व्यापार पत्रकारिता अवार्ड गन्तव्य नेपाल ग्रुपका अध्यक्ष शिव अधिकारीलाई प्रदान गरियो ।