भलिबल प्रतियोगिता सुरु

खेलकुद

भक्तपुर। भक्तपुर दरबार क्षेत्रमा रहेको श्रीपद्म माविको ९४ औँ तथा कलेजको आठौँ वार्षिकोत्सवको अवसरमा आजदेखि जिल्लाव्यापी पाँचौं पद्मा कप भलिवल प्रतियोगिता सुरु भएको छ ।

भलिबल खेलको विकास गर्न तथा विद्यार्थीहरूको स्वास्थ्य तन्दुरुस्त बनाउने उद्देश्यले आयोजना गरिएको उक्त प्रतियोगितामा जिल्लाका सात विद्यालयको सहभागिता रहेको विद्यालयका प्राचार्य राम हाडाले जानकारी दिनुभयो ।

सहभागी विद्यालयहरूमध्ये आयोजक श्रीपद्मा, अरनिको मावि, आदर्श ज्योति(एजे), स्प्रिङ्डेल, सैनिक आवासीय मावि, विद्यार्थी निकेतन मावि र ख्वप मावि रहेकोमा आजको पहिलो खेल आयोजक श्रीपद्य उमावि र अरनिको माविबीच प्रतिष्पर्धा भएको थियो ।

पहिलो दोस्रो र तेस्रो चरण गरी तिन दिनसम्म लगातार हुने खेलमा समूह (क) मा श्री पद्म मावि, अरनिको मावि, एजे इ स्कुल, स्प्रिङ्गडेल मावि र समूह (ख) मा सैनिक आमावि, ख्वप मावि, विद्यार्थी निकेतन मावि रहेका छन् ।