सर्वोच्च अदालतको वार्षिक प्रतिवेदन पेस

काठमाडौँ, ७ चैत । राष्ट्रपति विद्यादेवी भण्डारीसमक्ष प्रधानन्यायाधीश सुशीला कार्कीले सर्वोच्च अदालतको आव २०७२÷०७३ को वार्षिक प्रतिवेदन पेस गर्नुभएको छ ।

शीतल निवासस्थित राष्ट्रपति कार्यालयमा आज साँझ राष्ट्रपति भण्डारीसमक्ष प्रधानन्यायाधीश कार्कीले वार्षिक प्रतिवेदन पेस गर्नुभएको हो । नेपालको संविधानमा सर्वोच्च अदालतले प्रत्येक वर्ष आफ्नो वार्षिक प्रतिवेदन राष्ट्रपतिसमक्ष पेस गर्नुपर्ने व्यवस्था छ । प्रतिवेदनमा सर्वोच्च अदालत, उच्च अदालत, जिल्ला अदालत, विशेष अदालत, राजस्व न्यायाधीकरण, श्रम अदालत र वैदेशिक रोजगार न्यायाधीकरणबाट भएका न्याय सम्पादन तथा मुख्य विवरण उल्लेख छ ।

अदालत तथा न्यायाधीकरणबाट गत आवका उनासी हजार चार सय तीन थान र चालु आवमा नयाँ दर्ता भएका एक लाख २७ हजार नौ सय ५८ गरी दुई लाख सात हजार तीन सय ६१ थान मुद्दा रहेको थियो । त्यसमध्ये एक लाख अठार हजार दुई सय ५१ मुद्दा फछर्याेट भएको तथा ८९ हजार एक सय १० मुद्दा बाँकी रहेको प्रतिवेदनमा उल्लेख छ ।

त्यसैगरी आव २०७२÷०७३ मा रु तीन अर्ब ७४ करोड ७० लाख निकासा भएकामा रु तीन अर्ब ३६ करोड ३८ लाख खर्च भएको प्रतिवेदनमा छ ।

न्याय सम्पादनको कार्यलाई छिटोछरितो, प्रभावकारी, सहज पहुँचयोग्य र न्यायिक कामकारबाहीलाई पूर्वानुमानयोग्य बनाई न्यायपालिकाप्रतिको आस्था र विश्वासलाई थप प्रभावकारी बनाउन योजनाबद्ध सुधारका प्रक्रिया सञ्चालन गरिँदै आएको समेत प्रतिवेदनमा उल्लेख छ । रासस

यसमा तपाइको मत

तपाईको प्रतिक्रियाहरु

  • खेम भट्ट: एक असल मान्छे । समाजको mild stone .बिचारको धनि । हामिले ऊहाबाट सिक्नुपर्ने धेरै ।।
  • सूर्य नेपाल: वर्तमान प्रचन्ड – कांग्रेसको संयुक्त सरकारले गरेको फाष्टट्रेक र चीनसंगको ओविआर महत्वपूर्ण कार्य...