ad image
ad image
ad image

तेस्रो लिंगीलाई प्रतिबन्ध लगाउने निर्णय तत्काल कार्यान्वयन नगर्न अदालतको आदेश

0
Shares

न्युयोर्क । अमेरिकाको एक संघीय अदालतले अमेरिकी सेनामा तेस्रो लिंगी समुदायले काम गर्न नपाउने गरी लगाएको प्रतिबन्ध तत्काल कार्यान्वयन गर्न रोक लगाएको छ ।
राष्ट्रपति डोनाल्ड ट्रम्पले तेस्रो लिंगी समुदायमाथि सेनामा काम गर्न नपाउने गरी प्रतिबन्ध लगाउने निर्णय गरेका थिए । तर जिल्ला न्यायाधीश कोलिन कोल्लार–कोटेलीले ट्रम्पले प्रेसिडेन्सियल मेमोमार्फत सेनामा तेस्रो लिंगीमाथि प्रतिबन्ध लगाउने गरी ल्याएको नियम कार्यान्वयन तत्कालका लागि रोक लगाउने निर्णय सुनाएको हो ।
गएको अगस्टमा अदालतमा यो विषयमा मुद्दा दायर भएको थियो ।अदालतको फैसलासँगै तत्कालका लागि अमेरिकी सेनामा रहेका तेस्रो लिंगीले आफ्नो यौनिक परिचय खुलाएर पनि सेवा गर्न पाउने भएका छन् भने नयाँ भर्नामा पनि तेस्रो लिंगीले अवसर पाउने छन् ।
अघिल्लो वर्ष तत्कालिन राष्ट्रपति बाराक ओबामाले तेस्रो लिंगी समुदायलाई सेनामा खुलारुपमा काम गर्न पाउने व्यवस्था लागु गरेका थिए ।

१४ कार्तिक २०७४, मंगलवार १०:३५ मा प्रकाशित
ad image