ad image
ad image
ad image

क्षयरोग नियन्त्रण प्रयास कम भएकोमा विश्व स्वास्थ्य संगठन चिन्तित

0
Shares

न्युयोर्क । विश्वभर क्षयरोगको नियन्त्रण गर्न गरिएका प्रयास अझै अपुग भएको भन्दै विश्व स्वास्थ्य संगठन (डब्लुएचओ) ले चिन्ता व्यक्त गरेको छ ।
सोमबार एक प्रतिवेदन सार्वजनिक गर्दैडब्लुएचओले गहिरो चासो व्यक्त गरेको हो । विश्व स्वास्थ्य संगठनले भनेको छ, ‘क्षयरोग अझै धेरै देशका लागि ठूलो समस्या (भार) बनेको छ ।’ विश्व स्वास्थ्य संगठनका अनुसार विश्वभर रोगका कारण अकालमा हुने मृत्युमा क्षयरोग नवौँ मुख्य कारण रहेको छ ।
विश्वभर एचआइभी एड्सका कारणले भन्दा क्षयरोगले धेरै व्यक्तिको ज्यान जाने गरेको विश्व स्वास्थ्य संगठनको प्रतिवेदनमा उल्लेख छ । विश्वको क्षयरोग समस्याबारे सन् २०१७ मा गरेको अध्ययन अनुसार सन् २०१६ मा एक करोड चार लाख व्यक्ति क्षयरोगका कारण विरामी परेका र यसमध्ये १६ लाख ७० हजार व्यक्तिको मृत्यु भएको संगठनले जनाएको छ ।
डब्लुएचओ को क्षयरोग अन्त्यको रणनीति तथा संयुक्त राष्ट्रसंघ दिगो विकास लक्ष्य कार्यक्रमले सन् २०३० सम्म क्षयरोगको समस्या ९० प्रतिशतले घट्ने जनाएको छ ।

१४ कार्तिक २०७४, मंगलवार १०:३४ मा प्रकाशित
ad image